شعر من تأليفي بمناسبة عقوبة لنا بالصف اسم الشعر احلى صف

كل يوم قصة جديدة...وبهادل عديدة
والحصص...شو حصص فريدة والبهادل يا عيني انها مفيدة
بتعطيك دفعة بالعكس لقدام...احلى شي بهادل مس مرام
طالعين نازلين...ع صفنا داخلين
مرة استاذ سفيان...ومرة مس منال
رايحيين جايين بيعطونا عقاب صعب المنال
من الصراخ والاصوات التموا علينا الجيران
كلمة من هون وكلمة من هناك جننا الاساتذة والمعلمات
اسكتي احترمي حالك ولي عليكم شو مشاغبات
احنا مش فارقة معنا ولا عبال هالطالبات
مش هامننا حد ولا بتهمنا كل هالعقوبات
مش راح نتنازل وراح نضل صامدات
حتى لو حرمونا من العصرونة والرحلات
قال رميتو ورق ورميتو محيات
طيب احنا شو خصنا وليش كل هالخلافات
قد ما يكون في انذارات مش راح نعترف ع البنات
ولا راح نسكت على هالمشكلات
والله ملينا من جو المدرسة وملينا من الامتحانات كل يوم حلول وواجبات وتنقيص علامات
هادا غير دفع الغرامات ليش بتاكلو مسكة وشبسات
يلا ادفعو شيكل لمس اية ولا بتاخد المجيات والمقلمات
دايما طوش مع المعلمات حروب وصراعات
غلبنا مس عنبرة ومس ياسمين وطلعنا براس استاذ ربيع الشقيات
عاقبونا نسخونا حرمونا من العصرونات
كلنا بالصف جوعانات يا خوفي يصير عنا جفاف ومجاعات
خلص بكفي سامحونا وارحمو هالطالبات البريئات