هل انت راضي عن نفسك؟؟؟؟؟؟؟

السلام عليكم ورحمه الله وبركاته
هل انت راض عن نفسك؟
سؤال رخم مش كده
لكنه سؤال مهم جدا
فكر كده شويه
فكر فى نفسك ......فى شخصيتك....فى حياتك.....فى بيتك.....واصحابك....فى امتك...فى بلدك
ها ...ايه الاخبار
اضايقت ولا فرحت ولا اساسا طنشت
بصراحه اللى اضايق له حق واللى فرح له حق واللى طنش برضه له حق
ازاى؟
اللى اضايق يبقى وقف ادام نفسه بصحيح وشاف عيوبه وشاف ضعفه عن قدرته على حل بعض مشاكله وعرف اد ايه هو ضعيف واد ايه الدنيا دى ولا تسوى وكل اللى ماشيين فيه ده ما هو الا طريق وبعديه حنتنسى
اما اللى فرح فممكن يكون فرح لانه عرف هدفه فى الحياه او لانه فى حاجه اليومين دول بسطاه او يمكن عمل حاجه فى الاجازه مخلياه طاير من الفرح
واللى طنش فهو مع الاغلبيه اللى عايشه وخلاص مش فارقه معاها فرح من حزن .......يعنى اهو كله ماشى
طيب من الاخر انا عاوزه منكم ايه؟
احنا اخوه فى الله مش كده......وكلها كام سنه ونتخرج من كليتنا..طب وعقبال ما نتخرج حنعمل ايه
اقصد ازاى ممكن الواحد يقدر فى السنين اللى جايه يضيف لنفسه ويصلح فيها
وايه هيا الطرق المضومنه لكده؟
يعنى الواحد كتير بيبقى مضايق من عيب فيه ومش بيعرف يتخلص منه
طيب ايه الحل .......وازاى نقدر نبقى شخصيات مش حاقول كامله لان الكمال لله وحده ولكن شخصيات هدفعا انها تحاول تكون كويسه على قد ما تقدر؟
ها ايه رايكم؟
نتناقش وكل واحد يقول رايه واكيد كلنا حنستفيد ان شاء الله
جزاكم الله خيرا

صدقوني بجد سؤال مهم لو فكرنا فيه بعقلنا
وهيبقي مهم اكتر لو فكرت فيه بقلبك وعقلك